ابو ذيات جميلة

ابو ذيات روعة.ابو ذيات حلوة .ابو ذيات 2010. ابو ذيات بلباكيت

روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه

*****

ابدمايوم من همك خليتان
وبعد خل ينتظر قلبي خليتان
اخبرك بالجسد ظلن خليتان
الك وحدة اوهبتهة لوحدةاليية
*****

على مودك عفت ربعي وناسي
وسدبحلوك شماتي وناسي
اذاعني غفل قلبك وناسي
انة بطروك كل صبح ومسية
*****

كل مغرم برت علته وناله
سعيد اللي حضه يشخصك وناله
الطارش من سمع نوحي وناله
ترك شغله وبجه رحمه عليه

*****

بيدك فوضت نفسي تملك
والك منزل بدلالي تملك
وحقك لو ردت روحي تملك
اودك لو تراويني المنيه

*****

غيرج ماحلة بيميني و لا طاب
و لا دونج دخل كلبي و لا طاب
يا جرحي وياج لا هود ولا طاب
دم ينزف و لا تدرين بية
*****

سكر كاس الخمر من ضاك نفسك
و اكو غيرك حلو بس ماكو نفسك
اريدك ياحبيبي اتبوس نفسك
بس ابداخلك تنويها الية

*****

احبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن علية


*********

يسـ،ـ،ـ،ـ،ـ//ـ،ـ،ـ،ـ،ـ//ـ،ـ،ـ،ـ،لـ،ـ،ـ،ـ،ـ//ـ،ـ،ـ،ـ،ـ،مـ،ـ،ـ،ـ،ـ//ـ،ـ،ـ،ـ،و